ଅୱଲ୍ ନଂବର୍ ଭାଟ୍
ସାରା ସଂସାରର୍ ସାରାଂଶ ହେବା
ଘିନାବିକାର୍ ହାଟ୍
ଘିନାଲି ବିକାଲି ଠିଆ ହେଇଥିବେ
ଖୁଲ୍ଲେ ଘରର୍ କବାଟ୍
ଲୁକ୍ବାର୍ ଲାଗି ଠାନ୍ ନାଇଁମିଲେ
ପଲାବାର୍ ଲାଗି ବାଟ୍
କେନ୍ ମାହାପୁରୁ ପାଦ୍ ତଲେ ସଭେ
ପଡ଼ିଥିମା ଲାଂଗ୍ଛାଟ୍
ବୁଦ୍ଧି ହେଲାନ ଅସହଯୋଗୀ
ଜାଂଗଲ୍ ନୁରୁଛେ ଠାଟ୍
ସଭେ ଜାନିଛୁଁ କେନ୍ନ ବନିଛେ
ଜ୍ଞାନର୍ ମୁର୍ଦାର୍ ଘାଟ୍
ଖାଏବାର୍ ନାଇଁରଖି କିଛି
ଶୁଖା ଆଂଗ୍ଠି ଚାଟ୍
ଉନିଦ୍ରା ରହି ପଢ୍ସୁଁ ଚେତି
ଇନ୍ତା ଅଜବ୍ ପାଠ୍
କାହାର୍ ବୁଲେଁ ଯୁଆନ୍ ବୁଢା
ଅଁର୍ରା ମାଏଝି ଧନୀ ଗରିବ୍
ଉଁଠା ସିଆଢ଼ଁତ୍ ଜ୍ଞାନୀ ଅଜ୍ଞାନ୍
ମୁନୁଷ୍ ଜନମ୍ ପାଇକରି ଭିଲ୍
ରଂଗ୍ମଖା କାଠ୍ ପୁତ୍ଲି ବାଗିର୍
କରୁଛନ୍ ଖାଲି ନାଟ୍
ବନିଯାଇଛନ୍ ଅସୁର୍ମାନ୍କର୍
ଅୱଲ୍ ନଂବର୍ ଭାଟ୍
What's Your Reaction?
